Бөгөн – видеомагнитофон барлыҡҡа килгән көн

Һеҙҙең шундай “текә” техникағыҙ бар инеме? Ниндәй “видик” ҡаранығыҙ? Кассеталарығыҙ һаман һаҡланамы? Әйткәндәй, видеомагнитофон юҡҡа сығып барған аппараттар исемлегенә инә.

Үткән быуаттың 80-се йылдарында тарала башланы видеомагнитофон. Ул тәүҙә байлыҡ күрһәткесе ине.

1956 йылдың 14 мартында был техниканы иң беренсе булып Америка журналистарына күрһәткәндәр. Видеомагнитофонды рус инжерены А. Понятов уйлап тапҡан. Ул – тәүҙә (1917 йылда) Францияға, шунан АҠШ-ҡа күскән булған. Тап Америкала, Сан-Францисколағы гаражында ошо техниканы эшләгән ул.

Видеомагнитофонды «Ампекс» фирмаһы сығара башлай.

Баҡһаң, АҠШ-та халыҡтың 84 процентында видеомагнитофон бар, имеш.

Хәҙер был техника бөттө инде. Уға алмашҡа DVD килгәйне, уныһын да оноторҙар тиҙҙән.