Йөк машиналарына сикләүҙәр индерелә

Өфө хакимиәте 24 марттан 22 апрелгә тиклем баш ҡала биләмәһендә йөк машиналары хәрәкәте өсөн ваҡытлыса сикләү индерергә ҡарар итте. Мэрия мәғлүмәте буйынса, ҡалаға ингән ерҙә тейешле юл билдәләре ҡуйыла. - Сикләү яҙғы юл өҙөклөгө осоронда юл япмаһын һаҡлау маҡсатында индерелә. Күсәргә йөкләнеш билдәләнгән сиктән артҡан транспорт сараларына хәрәкәт автомобиль юлдарына килтерелгән зыян ҡапланғас һәм махсус рөхсәт алған осраҡта ғына мөмкин, - тип билдәләнеләр муниципалитетта. Түләүҙең күләме йөктөң ауырлығына һәм маршруттың оҙонлоғона бәйле. Ойошма етәкселәренә 24 мартҡа тиклем йөк индереп ҡалырға кәңәш ителде.

Фото: Т. Аманов