Уҙған төндә Өфөлә ҡот осҡос фажиғә булған

Бөгөн төнгө сәғәт 1 тула 4 минутта Өфөлә Красноуфимский урамындағы йортта янғын сығыуы тураһында хәбәр килә.

 Ғәҙәттән тыш хәлдәр министрлығының Башҡортостан буйынса идаралығынан хәбәр итеүҙәренсә, урынға 7 берәмек техника һәм 22 ҡотҡарыусы ебәрелгән.

Янғын һүндереүселәр ике хужаға тәғәйенләнгән бер ҡатлы бүрәнә йорттоң яныуын асыҡлаған. Янғын төнгө сәғәт 2 тула 10 минутта һүндерелгән.

 Утты һүндереү барышында бер ирҙең кәүҙәһе табылған. Уның шәхесе асыҡлана.

Әле фажиғә урынында Рәсәй Ғәҙәттән тыш хәлдәр министрлығының тәфтиш-оператив төркөмө һәм дознавателе эшләй.

Фото: Т. Аманов