Үәт, исмаһам, еңеүгә ынтылыш!

Зеленодольск ҡалаһында үткән ҡышҡы триатлон буйынса Рәсәй Кубогы этабында беҙҙең спортсыбыҙ Илнар Хәбибуллин үтә күңелһеҙ хәлгә тарый - уның аяҡ кейеменең бауы өҙөлә. Ләкин Илнар юғалып ҡалмай: йәһәт кенә аяҡ кейемен сисеп ҡулына ала ла, өс саҡрымды ойоҡбаштарҙа ғына йүгереп үтә. 16 градус һыуыҡта! Ҡайнар табандары менән ҡарҙы өткән, сыҙамлылыҡ, ныҡлыҡ, еңеүгә ынтылыш өлгөһөн күрһәткән егет ярышта беренсе килеп, 18-19 йәшлек спортсылар араһында еңеү ҙә яулай! Афарин, Илнар! 

Үәт, исмаһам, еңеүгә ынтылыш!