Балалы ғаиләләргә яңы пособие тиҙҙән түләнә башлай

 Владимир Путин балалы ғаиләләргә яңы дәүләт ярҙамы тураһында 2022 йылдың 8 мартында хәбәр иткәйне.    

Яңы түләүҙәрҙе тәғәйенләү шарттары 3 йәштән 7 йәшкә тиклемге балаларға түләнгән пособие кеүек үк.  Башҡортостанда пособие йәшәү минимумының 50, 75 һәм 100 проценты күләмендә тәғәйенләнә.    Шул уҡ ваҡытта ғаиләнең мөлкәте һәм килеме иҫәпкә алына. 

 Башҡортостанда балалы ғаиләләр бөтәһе 20 төр пособие ала. Шуның 11-е – төбәк бюджетынан, 9-ы   федераль бюджеттан түләнә. Йыл һайын республикала 70-кә яҡын ғаилә балалар пособиеһы юллап мөрәжәғәт итә. 3 йәштән 7 йәшкә тиклем балалары булған 67987 ғаилә   (уларҙа 79519 бала тәрбиәләнә)  пособие ала.