+3 °С
Болотло
Бөтә яңылыҡтар
10
Яңылыҡтар таҫмаһы
8 Март 2022, 11:05
«Иң яҡшы мөғәмәләгә лайыҡлыһы – әсәйең»
Бер ваҡыт пәйғәмбәребеҙгә килеп бер кеше: «Әй, Аллаһ илсеһе, кешеләрҙән минең өсөн иң яҡшы мөғәмәләгә лайыҡлыһы кем?» – тип һорай. «Әсәйең», – ти пәйғәмбәр, ғәләйһис-сәләм. «Унан һуң кем?» «Әсәйең», – пәйғәмбәр. «Унан һуң?» – тип кеше һорауын тағы ла ҡабатлай. «Әсәйең», – ти пәйғәмбәр. Һорауын дүртенсе тапҡыр ҡабатлағас ҡына: «Унан һуң – атайың», – тип яуап бирә пәйғәмбәр.
«Иң яҡшы мөғәмәләгә лайыҡлыһы – әсәйең»
Ата-әсәгә хөрмәт ул – тәрбиәләлек. Оло гонаһтар тураһында хәтергә төшөрөп, ул бер ваҡыт үҙенең сәхәбәләренә: «Үҙенең ата-әсәләрен хурлаған кеше бик ҙур гонаһ эшләй», – тип белдерә. Сәхәбәләр аптырап ҡала: «Кеше үҙенең ата-әсәһен дә рәнйетә аламы ни?» – тиҙәр. «Ала, – ти пәйғәмбәр. – Шулай ҙа булып ҡуйыуы мөмкин: кем дә булһа берәү икенсе берәүҙең атаһына тел тейҙерә, тегенеһе бының үҙ атаһына ҡарата насар һүҙҙәр әйтә, йә әсәһе менән дә шулай була».
Ата-әсәләргә тел тейҙереүҙән, игелекһеҙ булыуҙан тыя ислам. Динебеҙ мәрхәмәт-шәфҡәткә, берҙәмлеккә, татыулыҡҡа өйрәтә. Ул беҙҙе яҡындарыбыҙ менән дә араны өҙмәҫкә өндәп кенә тора.
Фото: Т. АМАНОВ.
Читайте нас:
