«Бегониям сәскә атмай»

Беренсеһе – гөлдөң йәше. Ботағында кәмендә биш быуын барлыҡҡа килмә­йенсә, ул сәскә атмай. Гөл үҫтереүселәр быға төрлө биостимулятор ярҙамын­да  ирешә ала. Кәрәгенән артыҡ туҡландырыу ҙа зыянлы, сөнки гөл күп япраҡ ебәрә, сәскәгә тумаланмай.

Икенсе сәбәп – яҡты­лыҡтың әҙ булыуы. Гөл тура төшкән ҡояш нурҙарын яратмай, йәйгеһен артыҡ яҡты­лыҡ та уға килешмәй. Ҡоро һауа булыуын да өнәмәй. Гөлдө бер урындан икенсе урынға йыш күсермәгеҙ. Субтропик һәм тропик климат шарттарында үҫкән бегония калий селитраһын, аҙна һайын минераль ашламалар менән туҡландырыуҙы ярата.