Владимир Путин тынысландырҙы...

Президент белдереүенсә, бындай план юҡ. Айырым хәл тәртибе ҙур эске хәүеф булғанда индерелә, ә ғәҙәттән тыш хәл – тәбиғи йә техноген һәләкәттәрҙә. “Беҙҙә, Аллаға шөкөр, ундай хәл юҡ. Беҙ бер ниндәй ҙә айырым хәл тәртибе индермәйбеҙ, кәрәкмәй ҙә”, - тине Владимир Путин.

Ул аңлатма биреп киткән тағы бер мәсьәлә: Украиналағы махсус операцияла әрмегә яңы алынған йәш һалдаттарҙың ҡатнашыу-ҡатнашмауы.

“Был операцияла бары тик профессиональ хәрбиҙәр – офицерҙар һәм “контрактник”тар ғына ҡатнаша. Бер генә призывник та юҡ, беҙ уларҙы ебәрмәйәсәкбеҙ ҙә. Тағы берҙе ҡабатлайым: был операцияла үҙҙәре ирекле рәүештә бик яуаплы һөнәрҙе – Ватанды һаҡлауҙы – һайлаған ир-егеттәр генә ҡатнаша. Улар бурыстарын намыҫ менән үтәй”, - тине Президент.

Фото: Кремлин.ру.