Йылғала ҡатын-ҡыҙ мәйете табылған

Һупайлы биҫтәһе янынан аҡҡан йылғала бер ҡатындың кәүҙәһе табылған. Был хаҡта халыҡты яҡлау идаралығынан хәбәр итәләр. Граждандарҙы яҡлау идаралығы мәғлүмәттәре буйынса, мәйет Өфө йылғаһының Яр буйы урамындағы 39-сы йорт ҡаршыһында табылған.

 Ғәҙәттән тыш хәлдәр министрлығы хеҙмәткәрҙәре ҡатындың кәүҙәһен һыуҙан тартып сығарған һәм хоҡуҡ һаҡлаусыларға тапшырған. Әле урында полиция хеҙмәткәрҙәре эшләй. Ваҡиға сәбәптәре асыҡлана.

Фото: Т. Аманов