Ҡатындың йөрәген яралаған бит "Канада"нан "Логан"!

Өфөнән 39 йәшлек ҡатын "Бәйләнештә" сибәр ир менән танышҡан. Күктән төшкән бәхеткә - "Канадала" йәшәгән "Логан"ға ҡатын шунда уҡ аҡылын юйғансы ғашиҡ булған, ахыры. Сөнки ир, шәхсән танышырға теләйем, әммә Рәсәйгә килер өсөн әлегә матди мөмкинлегем юҡ, һин ярҙам итмәҫһеңме, тип һорағас, ярҙам итәм, тип һикереп төшкән. Хәйер, "Логан" да бит, осрашҡанда аҡсаңды кире ҡайтарырмын, тип вәғәҙә иткән. Белмәгән, күрмәгән, фотоһы аша ғына таныш булһа ни! Анау ҡәҙәрем татлы телле ир-егеткә нисек ышанмайһың?! Һәм ҡатын, уйлап та тормайынса, 300 мең һумдан ашыу аҡсаһын ир яҙған иҫәптәргә күсергән. Ҡатын ирҙе күпме зарығып көтөр ине икән, әгәр ҙә "Логан" аҡса күсеү менән юғалмаһа? Хәҙер был аферист икенсе исем аҫтында рәхәтләнеп башҡа яңғыҙ ҡатынды ҡармаҡлайҙыр әле, һаҡ булығыҙ! 

Ҡатындың йөрәген яралаған бит "Канада"нан "Логан"!