Бөтә яңылыҡтар
Яңылыҡтар таҫмаһы
27 Февраль 2022, 14:00

"Республикабыҙҙа битараф булмаған кешеләрҙең йәшәүе ҡыуандыра"

Республикабыҙҙа «Еңеү ирекмәндәре» Донецк һәм Луганск халыҡ республикалары халҡына гуманитар ярҙам йыйыу пункттарында ярҙам күрһәтә. «Мәжбүри күсенеүселәргә ярҙам итеү штабына ирекмәндәр кәрәклеге хаҡында белгәс тә, шунда уҡ ирекмәндәр сафына яҙылдым.  

"Республикабыҙҙа битараф булмаған кешеләрҙең йәшәүе ҡыуандыра"
"Республикабыҙҙа битараф булмаған кешеләрҙең йәшәүе ҡыуандыра"

Сөнки был хәл шәхсән үҙемә ҡағыла. Бик күп туғандарым Украинала йәшәй. Әле унда ҡот осҡос ваҡиғалар булып тора. Беҙ ситтә ҡала алмайбыҙ, тип иҫәпләйем. Был беҙҙең дөйөм ҡайғыбыҙ. Һәр беребеҙ туғандаш халыҡҡа ярҙам ҡулы һуҙа ала», – ти «Еңеү ирекмәндәре» активисы Тамара Ямщенко.

Башҡорт дәүләт университеты студенты, ирекмән Лилиана Хәибрахманова һөйләүенсә, ирекмәндәрҙең гуманитар ярҙам пунктына йыйылыуы тураһында белгәс, шунда уҡ ярҙам ҡулы һуҙған.

«Беҙ гуманитар ярҙам күрһәткән кешеләрҙе теркәйбеҙ. Уларға мәжбүри күсенеүселәргә тағы ла талап ителгән әйберҙәр исемлеген бирәбеҙ. Сөнки беренсе кәрәк-яраҡ әйберҙәре килтергән кешеләр, тағы нимә менән ярҙам итергә мөмкин, тип һорай. Республикабыҙҙа битараф булмаған кешеләрҙең йәшәүе ҡыуандыра», – ти ул.

«Ҡулымдан килгәнсә ярҙам итә алам. Балалар менән тәрбиәсе булараҡ ултыра, матди ярҙам тәҡдим итә алам», - ти уҡытыусы Светлана Сәләхова.

Гуманитар ярҙам йыйыу бөтә республика буйынса ла, Өфөлә лә дауам итә.

 

 

 

Фото: Т. АМАНОВ.

Автор:Гөлназ Шәйхетдинова
Читайте нас в