Туймазылағы яңы дауахана ҡасан асылыр?

Был республикабыҙҙағы өсөнсө ковид-дауахана буласаҡ. Беренсеһе Зубов ауылында, икенсеһе Стәрлетамаҡта төҙөлгәйне. Радий Хәбиров әйтеүенсә, төҙөлөш эштәре тамамланған, 4 мартта госпиталь асыласаҡ.

– Март уртаһында бында тәүге пациенттар ҡабул ителәсәк. Был – өр-яңы ҡорамалдар менән йыһазландырылған һәм техник яҡтан юғары әҙерлекле госпиталь. Ул пандемия осоронда инфекция дауаханаһы булып, ә башҡа ваҡытта ябай күп профилле дауахана булып хеҙмәт итәсәк, – тип белдерҙе Башҡортостан Башлығы.