Муттар ни генә уйлап сығармай...

Салауат ҡалаһында йәшәүсе 61 йәшлек ҡатын - сит ил музыка төркөмөнөң фанаты (төркөм бер нисә сибәр йәш егеттән ғибәрәт). Ҡатын уларҙың ижады менән ныҡлап ҡыҙыҡһына, социаль селтәрҙәге аккаунттарына яҙылған, концерттарына ла барырға хыяллана. Ә бер көндө уға социаль селтәрҙә шул төркөмдөң солисынан инглиз телендә хәбәр килә! Ҡатын ҡыуанысынан иҫен юғалта яҙып, интернет-тәржемәсе ярҙамында уның менән яҙышырға керешә. Бер нисә көндән кумиры уға, бүләк ебәрәм, тип хәбәр итеп, каталог һелтәй, йәнәһе лә, үҙеңә оҡшаған тауарҙы һайлап ал.

Ҡатын каталогтан туфли, күлдәк һәм сумка һайлап, бүләктәрҙе көтә башлай. Бер аҙҙан электрон почтаһына посылка өсөн сит ил валютаһында аҡса түләргә кәрәклеге тураһында хат килә. Бүләктең түләүле булыуы ла, 91 мең һум аҡсаны урындағы банк картаһына, Рәсәй кешеһенә күсереү ҙә ҡатынды айындырмаған.

Бер тәүлектән һуң ҡатынға яңы түләү хаҡында хәбәр килә - был юлы ун тапҡырға күберәк сумманы күсереү талап ителә. Ҡатын кумирына, ундай аҡсам юҡ, тип яҙғас, ир, кредит алып, аҡсаны миңә күсер, тип кәңәш итә. Шунда ғына ҡатын муттарҙан алданыуын аңлап, полицияға мөрәжәғәт итә.

Фото: асыҡ сығанаҡтарҙан.

Автор:Баныу Ҡаһарманова

Читайте нас:

1917-2024 "Йәшлек" гәзите

Бөтә хоҡуҡтар яҡланған

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ

Телефон

8(347)273-46-38

Электрон почта

[email protected]

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45