Электр сымдары төҙөк булһын!

Кисә Өфөлә ике янғын теркәлгән. СССР-ҙың 50 йыллығы урамындағы янғында 1977 йылғы ҡатын һәләк булған, Октябрь революцияһы урамында 1960 йылғы ир йәрәхәтләнгән. Янғын сәбәптәре асыҡлана.

Башҡортостан Республикаһының Ғәҙәттән тыш хәлдәр буйынса дәүләт комитеты янғын хәүефһеҙлеге ҡағиҙәләре тураһында иҫкәртеп үтә:

- электр сымын һәм электр ҡорамалдарын төҙөк хәлдә тоторға кәрәк;

- монтажлауҙы һәм ремонтлауҙы электромонтер ярҙамы менән генә башҡарырға;

- электр селтәрҙәрен ҡыҫҡа ялғаныштан һәм артыҡ көсөргәнештән һаҡлау өсөн заводта етештерелгән һаҡлағыс ҡына ҡулланығыҙ;

- электр приборҙарын электр селтәренә заводта сығарылған розетка ярҙамында ғына тоташтырығыҙ;

- йылытыу приборҙарын келәмдәргә, пәрҙәләргә, янып китеүсән башҡа материалдарға яҡын ҡуймағыҙ;

- ҡулдан яһалған электр йылытҡыстарын ҡулланмағыҙ;

- өҫ кейемдәрен һәм янып китеүсән башҡа материалдарҙы электр йылытыу приборҙары өҫтөндә киптермәгеҙ;

- электр селтәренә тоташтырылған электр приборҙарын ҡарауһыҙ ҡалдырмағыҙ;

- өҙөлгән һәм иҫке изоляциялы электр сымдарын файҙаланыу тыйыла;

- эшләп торған электр һәм йылытыу приборҙарын балаларға ҡарарға ҡалдырмағыҙ;

- мейестәрҙе һәм мөрйәләрен ентекләп тикшерегеҙ, ҡоромдан таҙартығыҙ һәм ваҡытында ремонтлағыҙ;

- кескәй балаларға үҙ аллы мейес яғырға рөхсәт итмәгеҙ;

- мейестең алдына иҙәнгә 50х70 см ҙурлығында тимер ҡалай түшәгеҙ;

- йыһаздарҙы, келәмдәрҙе мейескә яҡын урынлаштырмағыҙ;

- мейес яғыу өсөн тиҙ тоҡанып китеүсән шыйыҡсалар ҡулланмағыҙ.

Фото: асыҡ сығанаҡтарҙан.

Автор:Баныу Ҡаһарманова

Читайте нас:

1917-2024 "Йәшлек" гәзите

Бөтә хоҡуҡтар яҡланған

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ

Телефон

8(347)273-46-38

Электрон почта

[email protected]

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45