Юлаевсы Родион Әмировҡа ҡурҡыныс диагноз ҡуйғандар...

Спортсы әле Германияла дауалана һәм боҙға миҙгел аҙағына тиклем сыға алмай. Был хаҡта Американан, хоккейсы уйнаған «Торонто Мэйпл Лифс» клубынан хәбәр иткәндәр.

Родион Әмировта яман сир медицина тикшеренеүе ваҡытында табылған. «Торонто Мэйпл Лифс» хоккейсыға һәр яҡлап ярҙам күрһәтә, беҙ уны яҡшы тәрбиә менән тәьмин итәсәкбеҙ», - тип белдергән клубтың генераль менеджеры.

Мәғлүм булыуынса, Родион Әмиров тыумышы менән Ишембай районынан. «Салауат Юлаев» клубы тәрбиәләнеүсеһе. 2017-2021 йылдарҙа «Толпар», «Торос», «Салауат Юлаев» командалары өсөн уйнай. 19 йәшендә НХЛ-ға саҡырыу ала.

Тиҙерәк һауыҡ, Родион!