Бөтә яңылыҡтар
Яңылыҡтар таҫмаһы
23 Февраль 2022, 21:59

Благовар районының полиция хеҙмәткәрҙәре оператив рәүештә үҫмер ҡыҙҙы эҙләп тапҡан

Свердловск өлкәһенең Талицкий районында йәшәгән 16 йәшлек ҡыҙ 10 февралдә киске сәғәт етелә өйөнән сығып китеп, яҡындары менән бәйләнеште ҡырҡа өҙгән. Ҡыҙы өсөн борсолоп, үҙенә урын тапмаған әсә дежур часҡа мөрәжәғәт иткән. Оперативниктар шунда уҡ үҫмерҙе эҙләй башлап, уның Благовар районына юлланыуын асыҡлаған. Интернетта һөйгәне менән яҙышҡандан һуң, үҫмер такси саҡыртҡан да, машинаға ултырып, мажара эҙләп сығып киткән булған.

Благовар районының полиция хеҙмәткәрҙәре оператив рәүештә үҫмер ҡыҙҙы эҙләп тапҡан
Благовар районының полиция хеҙмәткәрҙәре оператив рәүештә үҫмер ҡыҙҙы эҙләп тапҡан

Үҫмер ҡыҙ тураһында Благовар районы оперативниктарына хәбәр иткәндәр. Полиция хеҙмәткәрҙәре ҡыҙҙы 16 февралдә эҙләп тапҡан. Үҫмерҙе бәлиғ булмаған хоҡуҡ боҙоусыларҙы ваҡытлыса ҡарау үҙәгенә килтергәндәр, тип яҙа Благовар районынан Эльвина Ғафарова.

Фото: асыҡ сығанаҡтарҙан.

Автор:Баныу Ҡаһарманова
Читайте нас в