Ут менән һаҡ булығыҙ!

Башҡортостан Республикаһының Ғәҙәттән тыш хәлдәр буйынса дәүләт комитеты йылытыу приборҙарын файҙаланғанда янғын хәүефһеҙлеге ҡағиҙәләре тураһында иҫкәртә:

- электр сымын һәм электр ҡорамалдарын төҙөк хәлдә тоторға кәрәк;

- монтажлауҙы һәм ремонтлауҙы электромонтер ярҙамы менән генә башҡарырға;

- электр приборҙарын электр селтәренә заводта сығарылған штепсель тоташтырғысы ярҙамында ғына тоташтырығыҙ;

- йылытыу приборҙары йыһаздан, келәмдәрҙән, пәрҙәләрҙән, тиҙ тоҡаныусан башҡа материалдарҙан алыҫ торһон;

- өҫ кейемдәрен һәм янып китеүсән башҡа материалдарҙы электр йылытыу приборҙары өҫтөндә киптермәгеҙ;

- электр селтәренә тоташтырылған электр приборҙарын ҡарауһыҙ ҡалдырмағыҙ;

- өҙөлгән һәм иҫке изоляциялы электр сымдарын файҙаланыу тыйыла;

- балаларҙы ҡарауһыҙ ҡалдырмағыҙ, эшләп торған электр һәм йылытыу приборҙарын балалар ҡарамағына ҡалдырмағыҙ.

Мейес менән файҙаланыу ҡағиҙәләре:

- мейестәрҙе һәм мөрйәләрен даими тикшереп, ҡоромдан таҙартығыҙ, ремонтлағыҙ;

- кескәй балаларға үҙ аллы мейес яғырға рөхсәт итмәгеҙ;

- мейес алдында иҙәнгә 50х70 см ҙурлығында тимер түшәгеҙ;

- йыһаз, балаҫ, келәм мейестән алыҫ булһын;

- мейесте яҡҡанда тиҙ тоҡанып китеүсән шыйыҡсалар ҡулланмағыҙ.

Онотмағыҙ: янғындың сәбәптәре төрлө, әммә уның сығыуында янғын хәүефһеҙлеге ҡағиҙәләрен үтәмәгән кеше генә ғәйепле. 

Фото: БР Ғәҙәттән тыш хәлдәр буйынса дәүләт комитетының янғындарҙы иҫкәртеү хеҙмәте үҙәге.