Беҙгә 2000 тирәһе Донбасс кешеһе килеүе ихтимал

Башҡортостан Хөкүмәтенең бөгөнгө оператив кәңәшмәһендә Донецк һәм Луганск өлкәләренән һуғыштан ҡасып килеүселәргә ярҙам темаһы күтәрелде. Радий Хәбиров муниципалитет башлыҡтарына ентекле әҙерләнергә ҡушты.

Беҙгә 2000 тирәһе кеше килеүе ихтимал. Улар ДНР һәм ЛНР-ҙан һуғыштан ҡасып килеүселәр.

Әлбиттә, бындай яҙмышҡа дусар булырға яҙмаһын. Күбеһенсә, ҡасаҡтар - ололар, ҡатын-ҡыҙҙар һәм балалар.

Беҙҙең район-ҡалаларҙа ярҙам күрһәтеү буйынса штабтар булдырылған.

БР Башлығы Радий Хәбиров мәжбүри күскенселәрҙе иң тәүҙә кәрәкле әйберҙәр менән тәьмин итергә ҡушты. Балалар килеү менән уҡыуын да өҙмәһен өсөн мәктәп кәрәк-яраҡтары биреү ҙә талап ителә.

Республика халҡы әле үк ярҙам үҙәктәренә әйберҙәр килтерә башланы.

Фото: ГТРК.