Энергетик вампирҙар осрағаны бармы?

Энергетик вампирҙар, ысынлап та, бар. Белгестәр хатта уларҙың ҡайһы бер һыҙаттарын билдәләгән.

1. Ул кеше һиндә ғәйеп тойғоһо уятырға тырыша. Ул үтәлмәгән вәғәҙәңде иҫкә төшөрөп, ҡыйын хәлгә ҡалдырыуың хаҡында һөйләйәсәк.
2. Ул кеше тормошҡа зарланырға ярата. Өҫтәүенә, үҙен йәлләтергә тырыша. Ул үҙенең бөтә проблемаһы хаҡында һөйләйәсәк.
3. Энергетик вампир ихласлығың менән файҙалана. Ул тәүҙә һине күңелен биреп тыңлай. Ә һуңынан үҙенекен һөйләп, хәлеңде ала башласаҡ.
4. Бындай кеше һәр ваҡыт үҙен хаҡлы тип уйлай. Ситтән ҡарағанда, ул хисһеҙ һәм тәкәббер булып күренә. Ул хаталанырға, ғөмүмән, уңайһыҙ хәлгә эләгергә яратмай.
5. Уның менән ысын күңелдән һөйләшеп булмай. Проблемаң хаҡында һөйләй башлаһаң, үҙеңде ғәйепле итеүе лә бар.

Фото: Т. АМАНОВ.