Ир һөйгәнен вәхшиҙәрсә рәүештә үлтергән

Стәрлетамаҡта 33 йәшлек ир таҫтамал  менән быуып үлтереүҙә ғәйепләнә. Һорау алыу барышында ул үҙ ғәйебен таныған һәм енәйәттең шарттары тураһында һөйләгән, тип хәбәр итәләр Башҡортостандың Тәфтиш комитетынан.

10 февралдән 11-нә ҡараған төндә ғаиләнең үҙ өйөндә эскәнлеге асыҡланған. Табын ваҡытында хужа менән хужабикә һүҙгә килешкән һәм ҡатын ирҙең битенә усы менән һуҡҡан. Ә быға яуап итеп, ир таҫтамал алған да уны быуып үлтергән.Ҡатыны үлгәнен аңлағас, енәйәтсе ҡасҡан. Оператив саралар арҡаһында ул шул уҡ көндә ағаһының өйөндә ҡулға алына. Иргә ҡарата енәйәт эше ҡуҙғатылып, һаҡ аҫтына алынған. Тәфтишселәр дәлилдәр йыйыуын дауам итә.

Фото: Т. Аманов