Дөйөм көс менән туристик база төҙөлә

Нөгөш һыуһаҡлағысы буйынса глэмпинг тибында ял итеү урыны барлыҡҡа киләсәк. Проект грант һәм судсидия алған, эшҡыуарҙар ҙа аҡса һала.

Проект туризм буйынса федераль агентлыҡтың 2,95 миллион һумлыҡ грантына эйә. Бынан тыш, катер һатып алыу өсөн 1,82 миллион һум күләмендә субсидия бар. Эшҡыуарҙар тағы ла 14,5 миллион һум аҡса өҫтәгән.

Глэмпинг (саф һауала уңайлы, ябай һәм сифатлы ҡунаҡхана) әле эшләп килгән “Малина” базаһының бер өлөшө буласаҡ. Ул Һәргәй ауылына яҡын урынлашҡан. Проект ғәмәлгә ашырылып, яңы ял урыны әҙер булһа, туристар йыл әйләнәһенә килә аласаҡ.

Фото: БР Туризм буйынса дәүләт комитетынан.