Элвин Грей ҡатынына Ғашиҡтар көнөнә затлы бүләк тапшырҙы

Ул ҡатынына билдәле Австрия компанияһының алҡаһын бүләк итте. Радик Юлъяҡшин ювелир салонында биҙәүестәрҙе нисек һатып алыуын һәм һөйгәненә тапшырыуын күрһәтте.

- Ысынында иһә, бөтә егет тә икенсе яртыбыҙҙың нимә теләүен белә. Ләкин мин был юлы икенсе әйбер бүләк итәм, сөнки сюрприз сюрприз булып ҡалырға тейеш, – тип билдәләне артист.

Инстаграмда Инзилә, Юлъяҡшин уға 13 февралдә  гастролдәргә сығыр алдынан бүләк тапшырҙы, тине.

- Мин бүләк алғас, ҡаушап ҡалдым. Хатта ҡулдарым дерелдәп китте. Бындай бүләкте көтмәгәйнем, – тип уртаҡлашты ул.

Фото: Т. Аманов