Ҡоралайҙы ҡотҡарғандар

Былтыр йәй Игенйылға трассаһында йәрәхәтләнгән ҡоралайға тап булалар. Фермаға алып барғас, ветеринар табипты саҡырттылар. Ул йәнлекте  туҡмағандарын әйтә һәм шина һала.  Олешка ҡушаматлы ҡырағай йән эйәһе яйлап һауығыуға  һәм ярты йылдан һуң аяҡтарына баҫа. Ул бик мөләйем һәм яғымлы йән эйәһе булып сыға. Ҡулға тиҙ эйәләшә. Тояҡтары төҙәлһә лә, иректә ул иҫән ҡалмаясаҡ, шуға күрә ҡотҡарыусылар эргәһендә йәшәүен дауам итә.