Үҫмер малайҙар һәм ҡыҙҙар әхлаҡһыҙ булыуҙарын күрһәткән

Салауатта урындағы халыҡ кинотеатрҙа үҫмерҙәрҙең тупаҫ ҡылыҡтары хаҡында хәбәр итә. Кинозалда балалар чипсы ашаған, һыра эскән, әҙәпһеҙ тауыштар сығарған, тип хәбәр итте ризаһыҙлыҡ белдереүселәр социаль селтәрҙә.

 – Балаларығыҙҙы танығанһығыҙҙыр. Ата-әсәләр, һеҙгә үтенес бар: кинотеатрға барыр алдынан балаларығыҙҙы ашатығыҙ, улар чипсы кимереп, һыра эсеп, барыһына ла фильм ҡарарға ҡамасаулай, – тип асыулана тамашасылар.

Был хәбәргә яуап итеп, “Бәйләнештәге” төркөмгә яҙылыусылар ҙа бәлиғ булмағандарҙың үҙҙәрен шулай бәйһеҙ тотоуына тап булғандары хаҡында комментарий ҡалдырған.

- Ике аҙна элек фильм ҡарарға барҙыҡ. Беҙҙең эргәлә, аяҡтарын алғы ултырғысҡа ҡуйып, үҫмер тәмәке тартып ултыра инек, – тип һөйләне Салауатта йәшәүсе ҡатын.

Фото: Т. Аманов