"Яҡынығыҙ юл-транспорт ваҡиғаһына тарыны..."

Өфөлә йәшәгән 86 йәшлек ҡатынға билдәһеҙ кеше шылтыратып: "Ейәнегеҙ юл-транспорт ваҡиғаһына тарыны, ошо күңелһеҙ хәл менән бәйле проблемаларҙы иҫкәртер өсөн аҡса талап ителә", - тип ҡурҡытҡан. Шылтыратыусы ир ярты сәғәт буйына телефонды һүндертмәй, аҡса килеп алғанға тиклем әбейҙе ҡармаҡтан ысҡындырмаған. Ейәне өсөн борсолған өләсәй ят кешегә 800 мең һумдан ашыуыраҡ аҡсаһын тоттороп ебәргән...

Ошо уҡ схема буйынса аферистар тоҙағына эләккән 82 йәшлек пенсионер «курьерға» 100 мең һум аҡсаһын биргән.

75 йәшлек ҡатын "зыян күреүсенең адвокатына" 100 мең һумдан ашыу аҡсаһын тотторған.

76 йәшлек ир ялған "полиция хеҙмәткәренә" ышанып, бәләгә тарыған ейәнсәрен ҡотҡарырға ашығып, 270 мең һум аҡсаһынан яҙған.

Ә 82 йәшлек ҡатын менән аферистарҙың спектакле килеп сыҡмаған: әбей 1 миллион һум талап иткән аферисты тыныс ҡына тыңлаған да, һөйләшеүҙе өҙөп, ейәненә шылтыратҡан. Ейәненең имен-аман өйҙә булыуын белгәс, полицияға шылтыратып, аферистар тураһында хәбәр иткән. Үәт, исмаһам, маладис!

Фото: асыҡ сығанаҡтарҙан.

Автор:Баныу Ҡаһарманова

Читайте нас:

1917-2024 "Йәшлек" гәзите

Бөтә хоҡуҡтар яҡланған

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ

Телефон

8(347)273-46-38

Электрон почта

[email protected]

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45