Бөтә яңылыҡтар
Яңылыҡтар таҫмаһы
7 Февраль 2022, 14:40

Башҡортостандың Бәләбәй районында өлөштәргә өҙгөләнгән кеше кәүҙәһе табылған

Был хәл бер нисә сәғәт элек булған.

Башҡортостандың Бәләбәй районында өлөштәргә өҙгөләнгән кеше кәүҙәһе табылған
Башҡортостандың Бәләбәй районында өлөштәргә өҙгөләнгән кеше кәүҙәһе табылған

Социаль селтәргә Бәләбәй районының Приют ҡасабаһындағы тимер юлында өлөштәргә бүленгән мәйет табылған. Шаһит уны видеоға ла төшөргән.

- Үле кеше табылды. Состав бүлгән. Уның бында күпме ятыуын белмәйем. Вагондар аҫтына инмәгеҙ! – ти ролик авторы.

Рәсәй Федерацияһы Эске эштәр министрлығының Өфө линия идаралығынан хәбәр итеүҙәренсә, фажиғә 6 февралдә кис көнө теркәлгән.

Яҡынса мәғлүмәт буйынса, һәләк булған кеше – 69 йәшлек ир – иҫке вокзал ҡаршыһындағы тимер юл аша тыйылған урындан сығып барған. Был ваҡытта ир йөк поезы аҫтында ҡалған. Алынған йәрәхәттәрҙән ул шунда уҡ йән биргән.

- Әлеге ваҡытта Аксаков станцияһында полицияның линия бүлексәһе хеҙмәткәрҙәре тикшереү эштәре алып бара, ваҡиғаның сәбәптәре асыҡлана, – тип хәбәр иттеләр Рәсәй Эске эштәр министрлығының Волга буйы федераль округы буйынса идаралығының матбуғат хеҙмәтенән.

 

Фото: Т. Аманов

Автор:Гөлнара Солтанова
Читайте нас в