Үҙегеҙҙе генә түгел, машинағыҙҙы ла һаҡлағыҙ!

Һупайлы биҫтәһендәге бер бейек йорттоң ҡыйығынан килеп төшкән ҡар “Land Rover” машинаһын йәмшәйткән, тип яҙа “Башинформ” агентлығы. Внедорожниктың алғы быялаһы ла ватылған

Ҡала властары халыҡты һаҡ булырға саҡыра. Ҡыйыҡтарҙа ҡар күп, уйламаған ерҙән башҡа ла төшөүе ихтимал. Хәйер, башҡа ғына түгел.

Һуңғы тәүлектәрҙә Өфөлә бер нисә урында өй ҡыйыҡтарынан ҡар төшөүе теркәлгән. «Лада Ларгус», «Киа Рио», «Мицубиши Паджеро», ике «Рено Дастер» автомобилдәренә зыян килгән.

Карл Маркс урамындағы 37/3-сө йорт тирәһендә бер йәш кешегә ҡар төшкән. Уға ваҡытында ярҙам күрһәтелгән.

Фото: “Башинформ”.