Полиция хеҙмәткәрҙәре мутты тотҡан

Новосибирск өлкәһенән 39 йәшлек ир бер нисә ай дауамында Дыуан районында йәшәгән кешеләргә телефондан шылтыратып, "улығыҙ (ҡыҙығыҙ) юл-транспорт ваҡиғаһына тарыны" тип алдап, "аҡса һуғып" ятҡан. Бер нисә тапҡыр ултырып сыҡҡан ирҙе полиция хеҙмәткәрҙәре ҡулға алған, уның башҡа ошоға оҡшаш енәйәттәргә ҡатнашы бармы-юҡмы икәнлеге тикшерелә.

Асыҡланыуынса, был ир телефон номерҙарын Интернеттан алған. Уның менән һөйләшә башлаған кешеләр, үҙҙәре лә аңғармаҫтан, ирҙең арбауына бирелеп, ни әйткән - шуны теүәл үтәгән. Яҡындарына шылтыратып, хәлдең ысынмы-түгелме икәнен белешер урынға, йәһәтләп мутҡа аҡса күсергән. Аҡсаны онлайн күсерә белмәгән ололарға ул таксистарҙы ебәргән - енәйәтсегә ярҙам иткәнен аңламаған такси водителдәре аҡсаны алып, банкомат аша уға ебәргән.

Әлегә муттың тиҫтәләрсә кешене яҡынса 250 мең һумға алдағаны билдәле. Тикшереү дауам итә.

Фото: асыҡ сығанаҡтарҙан.

Автор:Баныу Ҡаһарманова

Читайте нас:

1917-2024 "Йәшлек" гәзите

Бөтә хоҡуҡтар яҡланған

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ

Телефон

8(347)273-46-38

Электрон почта

[email protected]

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45