Халыҡты нимә борсой?

 Һаулыҡ һаҡлау (195), юлдар (135) һәм төҙөкләндереү (77) - үткән тәүлектә Башҡортостан халҡын тап ошо һорауҙар борсоно. Коронавирус темаһы дүртенсе урында – 66 хәбәр теркәлде, бишенселә торлаҡ-коммуналь хужалығы – 64.




 Бөгөн 3 февраль, тимәк, тиҙҙән яҙ. Был ай беҙҙә ғәҙәттә ҡарлы була. Шулай булғас, ҡарҙы таҙартыу хаҡында мөрәжәғәттәр ҙә буласаҡ. Ғинуарҙың һуңғы аҙнаһында, 17 - 23 ғинуарҙа, был темаға 1290, һуңғыһында - 326 хәбәр теркәлде. Әлбиттә, һауа торошоноң үҙгәреүе лә тәьҫир итте. Был үҙгәрештәр халыҡтан килгән мөрәжәғәттәр темаһына ла бәйле.

 Ҡар таҙартыу миҫалдары бик күп. Мәҫәлән, беҙгә яҙғандан һуң Благовещен райооны Ежовка ауылын трасса менән бәйләгән юлды таҙарталар. Уның яртыһы, яҡынса 2 км, ҡар баҫҡан булған.
 Бижбүләк халҡы, ауылдың Үҙәк урамын ҡар баҫты, тип яҙҙы. Был урам да ҡарҙан таҙартылды.

 Һуңғы эфирҙарҙың береһендә беҙ Сибайҙағы ҡар тураһында һөйләгәйнек. Мәсьәлә ҡарҙың төҫөнә бәйле ине: халыҡ беҙгә ҡарҙың һары төҫтә булыуы хаҡында яҙҙы.
Асыҡланыуынса, эш "Уралпромтехсервис" заводының фильтр ҡоролмаларында булған икән.

Бөгөнгә яңылыҡтар ошолай: заводтың фильтр ҡоролмалары таҙартылды. Өҫтәмә яңы ҡоролма ҡуйылды. 2022 йылдың 1 февраленән лигносульфонат киптереү линияһы эшләй башланы.

 Республиканың дәүләт аналитика тикшереү идаралығы, Роспотребнадзор һәм «Экомониторинг» үҙаллы лабораторияһы өҫтәмә тестар алды. Яңы ҡоролманың сифаты 98-100% булыуын күрһәтте. Яҡын арала бында өҫтәмә тикшереү буласаҡ. Сибайҙа һары ҡар булмаҫ, тип ышанабыҙ.

Һәр яңы көн яңы мәсьәләләр һәм ҡарарҙар килтерә. Башҡортостан Республикаһы менән идара итеү үҙәге мәғлүмәт системалары уларҙы асыҡларға һәм ваҡытында иғтибар итергә ярҙамға килә.