Бында ҡатнашыусылар ҡыҙғылт һары, әфлисун төҫөндә һәм уға бәйле бөтә нәмәләрҙе – әфлисун, витаминдар, кәнфиттәр, мармелад, әфлисун тәме менән печенье, цитрус шампундәре һәм гелдәре, кәнсә кәрәк-яраҡтарын йыя.
Тауарҙар Өфө ҡалаһы, Комсомол урамы, 138-се йорт адресы буйынса урынлашҡан Үҙәк ҡала китапханаһында 1-енән 17 февралгә тиклем ҡабул ителә. Белешмәләр өсөн телефон: 8 (347) 216-47-42. Акцияла теләгән һәр кем ҡатнаша ала. Йыйылған бүләктәрҙең барыһы ла балалар йорттарына һәм приюттарға, етем балаларға, сәләмәтлектәре буйынса мөмкинлеге сикләнгән балаларға, мохтажлыҡ кисергән тәрбиәләнеүселәргә тапшырыласаҡ.
"Һеҙҙең ярҙамығыҙ бик кәрәк. Әйҙәгеҙ, балаларға әфлисун кәйефе бүләк итәйек», – ти ойоштороусылар.
Фото: https://vk.com/kulturarb.