Мөхәббәт тарихы: Яратам - трамвай һатып алам йәки... алтындарыңды ломбардҡа оҙатам

Кушнаренко районында йәшәгән 38 йәшлек ҡатын 33 йәшлек ир менән танышып, уны үҙ фатирына йәшәргә индергән. Күп тә үтмәгән, мөхәббәттәре һүрелеп, улар айырылышҡан. Тик ир буш ҡулдарын һелтәп ҡайтып китмәгән, ҡатындың алтын биҙәүестәрен сәлдергән. Зыян күләме - 45 мең һум. Ҡатындың ғаризаһы буйынса ирҙе "эҫе генә мәлендә" эҙләп тапҡастары, уның ошоға оҡшаш тағы бер урлашыуҙа ғәйепләнеүе асыҡланған.

33 йәшлек бур Нефтекама ҡалаһынан. Ул ҡатындың алтын биҙәүестәрен 16,5 мең һумға ломбардҡа тапшырған.

Былтыр Өфөлә лә бер "һөйгәненең" алтын биҙәүестәрен урлап, ломбардҡа тапшырған иргә ҡарата енәйәт эше асылған булған. Һорау алыуға килмәгәнгә, уны федераль эҙләүгә иғлан иткәндәр. Ә ул, баҡтиһәң, был ваҡытта Кушнаренкола йылы урын, татлы ҡосаҡ табып, рәхәтләнеп йәшәп ятҡан.

Хәҙер уны ҡулға алғандар.

Һеҙҙең тарафтарҙа ла шулай урлашып йөрөмәнеме был донжуан?

Фото: БР буйынса ЭЭМ матбуғат хеҙмәте.

Автор:Баныу Ҡаһарманова

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

1917-2024 "Йәшлек" гәзите

Баш мөхәррир - Артур Хәсән улы Дәүләтбәков

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.