Геүләшеп спорт менән шөғөлләнәсәкбеҙ

Рәсәй Хөкүмәте Премьер-министры Михаил Мишустин төбәктәрҙә “аҡыллы спорт майҙандары” һәм модулле спорт залдары төҙөү өсөн аҡса бүлеү тураһындағы ҡарарға ҡул ҡуйған.

Федераль ҡаҙнанан туғыҙ миллиард һумдан ашыу аҡса йүнәлтелә. Был суммаға 84 төбәктә 200 “аҡыллы спорт майҙаны” һәм 80-дән ашыу модуль спорт залы төҙөйәсәктәр.

Был эш «Бизнес-спринт» федераль проектын ғәмәлгә ашырыу буйынса башҡарыла. Уға ярашлы, киләсәктә кәрәкле спорт инфраструктураһы ҡала һәм ауылдарҙа һәр кемгә яҡын һәм уңайлы буласаҡ. Аҡса төбәктәргә 2022 – 2024 йылдарҙа бүленәсәк (туғыҙ миллиардты өс йылға бүлһәң, күп тә килеп сыҡмай).

Михаил Мишустин Хөкүмәт ултырышында әйтеүенсә, был урындар яҡшы йыһазландырылған, интернетлы (кеше күнекмәләрен контролләһен өсөн) булырға тейеш.

Фото: ТАСС.