ТОСЭР-ға аҡса һалыусылар күбәйә

Беҙҙәге ТОСЭР, йәғни йылдам социаль-иҡтисади үҫеш биләмәһе, резиденттары һаны арта барf. Был күрһәткес буйынса республика Рәсәйҙә лидерҙар иҫәбендә. Беҙҙә 103 резидент бар. 

Радий Хәбиров социаль селтәрҙә яҙыуынса, Рәсәй һәм сит ил компаниялары ҙур аҡса һалырға әҙер. Үҙебеҙҙәге компаниялар ҙа әүҙемләште.

"2021 йылда Башҡортостандан 35 резидент теркәлгән. Был, 2020 йылдағыға ҡарағанда, 25 процентҡа күбәрек. ТОСЭР-ға килеүселәр беҙҙең иҡтисадҡа 5,4 миллиард һум аҡса һалды, 3,6 мең кешене эшле итте", - тип яҙған республика етәксеһе.

Беләһегеҙ, республикала биш ТОСЭР бар: Күмертау, Благовещен, Нефтекама, Белорет һәм Бәләбәйҙә. Был биләмәләр үҫешенә инвестиция һалыусылар байтаҡ ҡына һалым ташламаһына эйә.

Фото: vk.com