+12 °С
Ямғыр
21 ғинуарҙан Төркиәнең төньяҡ-көнбайышында буран ҡотора. Иң нығы Истанбул ыҙа сигә. Ҡала властары халыҡҡа шәхси транспорт менән файҙаланыуҙы тыйған, урындағы аэропорт та эшләмәй. Анкара һәм Истанбул араһындағы трасса ябылған. Әйткәндәй, аэропорттарҙа йортона ҡайта алмай тотҡарланып ҡалыусылар араһында рәсәйлеләр ҙә күп.
Әле килеп Анталья үҙәгендә 29 йыл эсендә тәүге тапҡыр ҡар яуған. Бындағы ҡарҙың ҡалынлығы 50-60 сантиметрға тиклем етә.
Ошондай уҡ тәбиғәт күренеше Грецияның Афина ҡалаһында күҙәтелә. Бында дарыухана, магазин һәм заправкаларҙан башҡа дәүләт учреждениелары, предприятиелар эшләмәй. Йөҙләгән кеше ҡар ҡамауында ҡалған. Уларҙы ҡотҡарыуға ил хәрбиҙәре йүнәлтелгән.