Кушнаренко ауылында өҫтәмә вакциналау пункты эшләй

   Ул иртәнге сәғәт 10-дан көндөҙгө 3-кә тиклем эшләй.   Прививка эшләтергә теләүселәр бында анкета тултыра, терапевта тикшереү үтә һәм шунан һуң ғына вакцина эшләтә.     «Берҙәм Рәсәй» партияһының «ололар тураһында хәстәрлек менән»  акцияһы коронавирус инфекцияһына вакцина эшләтеү өсөн өҫтәмә дәртләндереү сараһы булып тора.  Ошо акция сиктәрендә прививка эшләтеүсе 65 йәштән оло йәштәгеләргә «Берҙәм Рәсәй» партияһының Кушнарендағы бүлексәһенән бүләк тапшырыла. Ә ай аҙағында вакциналаныусылар араһында төп приз – тонометр уйнатыла.   

«Берҙәм Рәсәй» партияһының район бүлегенең «Беҙҙең хәстәр»  ирекмәндәр штабы   коронавирус инфекцияһы пандемияһы осоронда ауыр хәлдә ҡалған  кешеләргә ярҙам итеүен дауам итә.   Ирекмәндәр уларға дарыуҙар, аҙыҡ-түлек алып бара, 65 йәштән ололарҙы вакциналауға оҙатып бара.