Вәсилә Фәттәхованың ире йырсының вафаты көнө алдынан дуҫтарына мөрәжәғәт итте

Вәсилә Фәттәхованың ире Илгиз хәләл ефете хөрмәтенә концерт ойошторорға ярҙам итеүселәргә рәхмәт белдерҙе.

Вәсилә Фәттәхова Башҡортостандың һәм Татарстандың милли эстрадаһында төп урындарҙың береһен биләне. Йырсыны ике республиканың бөтә мөйөшөндә, хатта уларҙан ситтә лә беләләр һәм яраталар. «Тыуған яҡ» йыры уның төп хиты тип иҫәпләнә, әммә бынан тыш, ул тағы ла бик күп матур һәм изге йырҙар яҙҙырған.

Хәтерегеҙгә төшөрәбеҙ: 2016 йылдың 26 ғинуарында бала тапҡандан һуң өҙлөгөү сәбәпле, баҡый донъяға күсте. Уға 36 ғына йәш кенә ине. Йырсының тормош иптәше Илгиз Абдраҡипов хәләл ефете тураһындағы иҫтәлектәрҙе ҡәҙерләп һаҡлай. Йыл һайын уның вафаты көнөндә ул Вәсиләнең иҫтәлегенә концерттар ойоштора. Бында уға йырсының бик ҡәҙерле дуҫтары ярҙам итә.

 – Хөрмәтле дуҫтар һәм партнерҙар, концерттарҙы ойоштороуҙа һәм үткәреүҙә ярҙам иткәнегеҙ өсөн барығыҙға ла рәхмәт әйткем килә. Һеҙгә ҙур рәхмәт! – тип яҙҙы Илгиз социаль селтәрҙә.

Фото: Т. Аманов