Ул булмаһа, фажиғә ихтималы бар ине...

Бер нисә көн элек янғынды хәбәр итеүсе аппарат оло кешеләрҙе үлемдән ҡотҡара. Төндә шул приборҙың сырылдап эшләп китеүенә уянған хужалар аш бүлмәһендә төтөн булыуын күрә. Баҡһаң, боҙоҡ розетка осҡон сәсрәтеп ирей башлаған. Ир ҡулына эләккән әйберҙәр менән тиҙ генә утты һүндерә. Әгәр ҙә янғын извещателе булмаһа, өлкән ир менән ҡатын нишләр ине икән?.. Янғын – хәтәр ул.

Уларға аппарат былтыр республика ҡаҙнаһы иҫәбенә (ололарға бушлай) ҡуйылған. Уны алыу өсөн 8 (347) 272-00-24 телефонына шылтыратып белешергә мөмкин.

БР Ғәҙәттән тыш хәлдәр буйынса дәүләт комитеты етәксеһе Фәрит Ғүмәров белдереүенсә, минисирена ғүмерҙе генә түгел, ә мөлкәтте лә һаҡларға ярҙам итә.