Урамда оло кешегә бысаҡ менән сәнскән ирҙе ҡулға алғандар

Иҫегеҙгә төшөрәбеҙ: 19 ғинуарҙа кисен Өфөнөң Менделеев урамында билдәһеҙ ир пенсионер ҡатынға һөжүм итеп, сумкаһын алырға маташа. Ҡатын сумкаһын бирмәй ҡаршылашҡас, ир уға бер нисә тапҡыр бысаҡ менән сәнсеп ҡаса.

Ҡатын дауаханаға эләгә, ә оперативниктар енәйәтсене эҙләй башлай. Видеокамераларҙың яҙмалары буйынса уның яҡынса ҡайһы йүнәлештә барыуын асыҡлап, ҡайһы йортта фатирҙа йәшәүен дә билдәләйҙәр. 30 йәшлек ир әүәл кеше үлтереп, урлашып, кешенең мөлкәтен юҡҡа сығарып төрмәгә эләккән, ҡат-ҡат административ яуаплылыҡҡа ла тарттырылған булған. 

Фото: БР буйынса ЭЭМ матбуғат хеҙмәте.