Бөтә яңылыҡтар
Яңылыҡтар таҫмаһы
24 Ғинуар 2022, 15:20

Өшөмәгеҙ, туңмағыҙ!

Бер аҙ һыуытты. Ҡыш шулай була. Һыуыҡ миҙгелдең һаулыҡ өсөн хәүефтәре лә етерлек: кеше йә тайып йығыла, йә ҡул-аяғын туңдыра.

Өшөмәгеҙ, туңмағыҙ!
Өшөмәгеҙ, туңмағыҙ!

Зинһар, һаҡ булығыҙ!

Һыуыҡта өшөмәҫ өсөн көн торошона ҡарап кейенегеҙ. Иҫтә тотоғоҙ: тар һәм еүеш кейем туңыуға ярҙам ғына итә.

Алкоголь ҡулланмағыҙ, тәмәке тартмағыҙ.

Туңыу билдәләре:

Тире күгәрә башлай, йылытҡанда ауырта, температураны тоймайһың, ныҡ туңған урын күберсекләнә.

Теге йәки был ере туңған кеше хәлһеҙләнә, пульсы йышая, ҡан баҫымы һәм температураһы төшә (36 градустан түбән).

Туңыу ихтималы булған кешене тиҙерәк йылы бинаға индерергә тырышығыҙ. Тик ҡапыл йылынырға ярамай.

Иң тәүҙә ҡоро һәм йылы кейем кейеү шарт. Шунан йылыға төрөргә һәм эҫе сәй (һөт, һурпа) эсерергә.

Массаж яһарға, ҡар менән ыуырға, грелка ҡуйырға ярамай.

Фото һәм сығанаҡ: Өфө ҡалаһы хакимиәте сайты.

Өшөмәгеҙ, туңмағыҙ!
Өшөмәгеҙ, туңмағыҙ!
Автор:Алһыу Ишемғолова
Читайте нас в