Өфөлә ҡайһы бер коммуналсыларға эш хаҡы артасаҡ

 Бының өсөн баш ҡала хакимиәте аҡса тапҡан.

 Вице-мэр Марат Ғәйфуллин әйтеүенсә, киләһе ай башынан водителдәргә, машинистарға, тракторсыларға тарифҡа 75 процент, юлсыларға – 14 процент өҫтәләсәк; водитель, машинист, тракторсыларҙың айлыҡ премиялары 70 проценттан 100 процентҡа, юлсыларҙың – 60-тан 100 процентҡа еткән. Ваҡытынан артыҡ эшләтеүҙе иҫәпкә алмағанда, эш хаҡтары 25-40 процентҡа артҡан. Марат Ғәйфуллин әйтеүенсә, водителдәрҙең эш хаҡы 60 мең һумға тиклем күтәрелгән.

 

Ҡала мэры белдереүенсә, эш хаҡы артҡандан һуң юлсыларҙың һәм водителдәрҙең штаттары тулы булырға тейеш.

 Быға тиклем, БР Башлығы Радий Хәбиров механизатор-водителдәрҙең эш хаҡын арттырыу өсөн ҡалаға ике аҙна ваҡыт биргән ине.

«Подумайте, чем можно привлечь работников. Это тяжелая работа, поэтому нужны стимулы. Может, где-то это будут общежития, где-то жилье, обучение, где-то зарплату повысить. Здесь нужно комплексно поработать», - тигәйне унда төбәк етәксеһе.