Кешбэк һеҙҙең кеҫәгеҙҙе хәстәрләй

«Туристик кешбэк»тың шарттары элеккесә ҡала: туристарға турҙың йәки йәшәү хаҡының – 20 проценты, 20 мең һумға тиклем суммаһы кире ҡайтарыла.

Юл хаҡын МИР картаһы менән түләргә кәрәк, өҫтәүенә, бер картанан бер нисә тур һатып алырға мөмкин.

– Киләһе аҙнала уҡ иҫәп буйынса бишенсе һатыу этабы башланасаҡ, ул 12 апрелгә тиклем дауам итәсәк, – тип һөйләне Башҡортостан Республикаһының Туризм буйынса дәүләт комитеты рәйесе вазифаһын башҡарыусы Ринат Фәтҡуллин.

Былтыр Башҡортостан Рәсәйҙең «курорт булмаған» төбәктәре араһында шифаханаларға һатылған юлламалар һаны буйынса лидер булды. Программала 24 ҡунаҡхана һәм 6 туроператор ҡатнашты, 63 Рәсәй туроператоры Башҡортостанға 120 тур тәҡдим итте.

2021 йылдың башынан программа менән 1,7 миллионға яҡын Рәсәй гражданы файҙаланған.

Программаның рәсми сайты – мирпутешествий.рф

8 800 444-31-27 (туристар һәм операторҙар өсөн), 8 800 100-54-64 (әгәр аҡса кире ҡайтарылмаһа) ҡыҙыу элемтә телефондары буйынса шылтыратырға мөмкин.

Фото: Юлай Кәримов.