Күгәрсен районы хакимиәтенә ваҡытлыса етәксе билдәләнде

Ишеткәнһегеҙҙер, Күгәрсен районы хакимиәте башлығы Ғайса Янбаев отставкаға китте. Әйткәндәй, социаль селтәрҙәрҙә уның яҡшы етәксе һәм кеше булыуы хаҡында хәбәрҙәр күп баҫыла. Әммә эшенән китеүенең етди сәбәбе бар. Изге урын буш тормай, тигәндәй, әле хакимиәттә "и.о." статусы менән яңы башлыҡ һайланды.

Райсовет депутаттары Ғайса Янбаевтың отставкаһын ҡабул итеп, уның урынына бығаса хакимиәт башлығының финанс, иҡтисади үҫеш һәм инвестициялар буйынса урынбаҫары булып эшләүсе Азамат Сәйфуллинды тәғәйенләне. Сәйфуллин әлегә - вазифаны ваҡытлыса башҡарыусы.