"Шыршы" операцияһына йомғаҡ яһалды

Башҡортостандың Урман хужалығы министрлығы "Экология" милли проектының "Урмандарҙы һаҡлау" төбәк проектын ғәмәлгә ашырыуға ярашлы, 29 ноябрҙән 31 декабргәсә полиция, Гостехнадзор инспекцияһы, йәмәғәт инспекторҙары һәм башҡа яуаплы хеҙмәттәр менән берлектә "Шыршы - 2021" оператив-профилактика операцияһы уҙғарҙы.

Барлығы 1927 рейд булған. Законһыҙ шыршы ҡырҡыу осраҡтары ла асыҡланған. Уларҙың һаны 20. Рөхсәтһеҙ ҡырҡылған 150 йәш ылыҫлы ағас әрәм булған. Урманға зыян хаҡы - 392,508 мең һум. Алты осраҡ буйынса енәйәт эше асылған.

Шулай уҡ ошо операция осоронда башҡа төр ағастарҙы законһыҙ ҡырҡыуҙың 27 осрағы теркәлгән.

 

Фото: БР Урман хужалығы министрлығы сайтынан.