Бөгөн – Рәсәй прокуратураһы хеҙмәткәре көнө

1722 йылдың 12 ғинуарында илебеҙҙә тәүге прокуратура институты барлыҡҡа килгән. Император Бөйөк Петр идара итеүсе сенатта генерал-прокурор һәм обер-прокурор чиндарын булдырған.

Ҡыҙыҡлы факттар

Тәүге прокурорҙар һәм адвокаттар Боронғо Грецияла, Римдә барлыҡҡа килгән. Ул ваҡытта суд эшендә ҡулланылған беренсе закондар уйлап сығарылған.

Американың 27 Президенты юридик белемгә эйә булған.

Урта быуаттарҙа Европала йәнлектәргә дәғүәләр күп булған. Хөкөм ителеүселәр ролендә йыш ҡына һыйырҙар, кәзәләр һәм һарыҡтар теркәлгән. Бындай дәғүәләр етди ҡаралған һәм хөкөм ҡарарҙары сығарылған. Һуңғы тапҡыр хайуан 1740 йылда яуаплылыҡҡа тарттырылған.

Рәсәйҙә прокурорҙың эшҡыуарлыҡ йәки сәйәси эшмәкәрлек алып барыу, коммерция структураларында эшләү хоҡуғы юҡ.