Ҡышҡы туризмды яратыусыларға

Походҡа йылы миҙгелдә генә сыҡмайбыҙ хәҙер. Бер, ике, өс, тигәндә йыйылабыҙ ҙа, ҡыш тимәй, ни тимәй, китәбеҙ ҙә барабыҙ. Башҡортостанда сәйәхәт итеү өсөн матур яҡтар күп. Тик шуны онотмағыҙ: юлға сығырҙан алда МЧС-та теркәлергә кәрәк.

Ошо сайтта https://02.mchs.gov.ru/deyatelnost/press-centr/novosti/4156062 ентеклерәк белергә мөмкин.

Аңлағанһығыҙҙыр, һүҙ йәйәүле сәйәхәт тураһында.

Әйткәндәй, көн торошона ҡарап, уңайлы кейенегеҙ. Ә рюкзакта шулар булырға тейеш: аптечка, аҙыҡ-түлек, һыу, карта, компас, фонарь, һыҙғыртҡыс, арҡан, шырпы, бысаҡ. Аҡса һәм документтарығыҙҙы ла йәтешләп һалығыҙ. Палаткала йәшәр булһағыҙ, шуға ярашлы, бар нәмәне алығыҙ.

Алдан маршрутығыҙҙы өйрәнегеҙ, башҡаларҙың яҙмалары менән танышығыҙ, хәүеф ихтималы булған урындарға ҡышын бармағыҙ. Үрҙә әйтеүебеҙсә, МЧС-та теркәлергә онотмағыҙ. Аллам һаҡлаһын, зыянлай-фәлән ҡалһағыҙ, ҡотҡарыусыларға табыу еңел булһын өсөн эшләнә был.

Фото: МЧС РФ по РБ.