11 кеше хлор менән ағыуланып, дауаханаға эләккәйне...

7 ғинуарҙа Иглин районындағы (Ясная Полянала) мунса комплексында ағыуланыу шиге менән 11 кешене больницаға алып киткәндәр. Баш ҡаланың 21-се дауаханаһында хлор боҫона ағыуланыуҙары асыҡланған.

Әле был ваҡиға буйынса енәйәт эше асылған, тикшереү бара.

Ә зыян күреүселәрҙең туғыҙауһы өйҙәренә ҡайтарылған, тағы ике кеше дауахананың ныҡ ағыуланыуҙы дауалау бүлегендә ята. Хәлдәре ҡәнәғәтләнерлек, тотороҡло.