Юлаевсыларҙың уйындары булмаясаҡ...

«Салауат Юлаев» клубында мәкерле сир ҡотора. Юлаевсылар Финляндияның Хельсинки ҡалаһына осор алдынан коронавирусҡа тикшереү үткән, тест күптәрҙә ыңғай һөҙөмтә күрһәткән. Бынан алда өс хоккейсыла ковид асыҡланғайны. 

Шулай итеп, киләһе ике матч булмаясаҡ. Беҙҙекеләр 8, 10 ғинуарҙа «Йокерит» һәм «Динамо. Рига» командары менән уйнарға тейеш ине. Әлеге ваҡытта юлаевсылар 62 мәрәй яулап Көнсығыш конференцияла дүртенсе урынды биләй.

Тиҙерәк һауыҡһындар инде! Юғиһә, турнирҙан бөтөнләй ситләтеүҙәре ихтимал бит.