Радий Хәбиров: Бизнес-шәрифтәрҙең эше менән таныштырыуҙы дауам итәм

«Стәрлебаш бауырһағы» бренды «Беҙҙең бренд. Халыҡ таныуы» республика конкурсында 2021 йылда беренсе урын алды. Милли аҙыҡ Стәрлебаш районында ике предприятиела етештерелә - Йәшергән ауылында Хәлил Хәбибрахман улы Солтановтың шәхси предприятиеһында һәм Стәрлебашта Лилиә Ислам ҡыҙы Буранғолованың предприятиеһында. Предприятиеларҙа утыҙҙан ашыу кондитер изделиеларын етештереп һатыуға сығаралар. Хәлил Хәбибрахман улы муниципаль программа буйынса 2021 йылдың декабрендә 600 мең һумлыҡ грант алған. Эшҡыуарҙар социаль проекттарҙа әүҙем ҡатнаша. Уларға бизнес-шәриф Айнур Юнусов ярҙам итә.

Кушнаренко районында йәшәгән Элина Яҡупова 2020 йылдың аҙағында эшҡыуарҙар сәғәтенә, бизнес-шәриф Марату Латиповҡа, сабыйҙар өсөн кейем теккән ателье асыу идеяһы менән килә. 2021 йылда эшҡыуар 300 мең һумлыҡ муниципаль грант алған, үҙенең аҡсаһын ҡушҡан һәм «Дарина» ательеһын асҡан. Тегеү оҫтаханаһы Compliment коворкинг үҙәгендә урынлашҡан. Предприятиела көнөнә 200 әйбер тегелә.

Ә Учалы районында Уралдағы берҙән-бер пантлы ванна комплексы эшләп килә. 2018 йылда «КАПИТАЛ С» ауыл хужалығы артеле" кооперативы приоритетлы инвестпроекттар исемлегенә ингәйне. Инвестицияларҙың дөйөм күләме - 167 млн һум. Декабрҙә бизнес-шәриф Әсхәт Әсәҙуллин күсмә эшҡыуарҙар сәғәтен ойошторҙо. 

Иҫегеҙгә төшөрәбеҙ: investrb.ru порталында бөтә кәрәкле мәғлүмәттәр тупланған. Башҡортостанда бизнес өсөн лайыҡлы шарттар тыуҙырыу буйынса эште дауам итәсәкбеҙ. Барығыҙға ла уңыштар!"

Фото: асыҡ сығанаҡтарҙан.