Төтөнгә тонсоҡҡандар...

Бөгөн Мәсетле районы Ҡотош ауылының Киров урамында ағас йортта ут сыға. Шылтыратыу буйынса килгән янғын һүндереүселәр мейес алдындағы иҙәндең яныуын асыҡлай, тип хәбәр итте Рәсәй Ғәҙәттән тыш хәлдәр министрлығының Башҡортостан Республикаһы буйынса баш идаралығы.

Ҡыҙғанысҡа ҡаршы, йортта ике кешенең үле кәүҙәһе табыла: 55 йәшлек ир һәм 59 йәшлек ҡатын. Фажиғә сәбәптәре асыҡлана. Урында тәфтиш-оператив төркөм һәм идаралыҡ тәүтикшереүсеһе эшләй. Мәрхүмдәрҙең яҡындарының ауыр ҡайғыһын уртаҡлашабыҙ...

Дөйөм алғанда, быйылғы йылдың тәүге төнөндә 13 янғын теркәлгән, 4 кеше зыян күргән. Янғын һүндереүселәр 31 кешене, шул иҫәптән 5 баланы ҡотҡарған, 51 кешене ҡотҡарған.

Республика юлдарында 8 юл-транспорт ваҡиғаһы теркәлгән, һәләк булыусылар юҡ, 10 кеше төрлө тән йәрәхәте алған.