Тәүгеһе — ҡыҙыҡай

2022 йылдың тәүге төнөндә төнгө сәғәт ун икенән алып иртәнге туғыҙға тиклем 10 сабый тыуған. Алты ҡыҙыҡай һәм 4 малай. Иң тәүгеһе – ҡыҙ, ул төнгө сәғәт бер тула ун биш минутта Республика перинаталь үҙәгендә донъяға килгән. Бәпес 2910 грамм тарта, буйы – 51 сантиметр.

Уҙған йылдар менән сағыштырғанда һандар күпкә әҙерәк. Былтыр йылдың тәүге төнөндә 15, ә унан алдағы йылда 20 сабый тыуған. 

Төклө аяғығыҙ менән, бәпестәр! Сабыйҙарға һәм уларҙың яҡындарына ныҡлы һаулыҡ, бәхет-шатлыҡтар теләйбеҙ.